chin thil thuam kong

Kan Chin thilthuam hi zoh lengmang tikah «Chin thilthuam» tiah min pek nak in«Chin  thilthuam azawng le ttial» tiah min pek a phu deuh cang. Zeicatiah atak Chin thilthuam mui an keng ti lo.

Laimi kan tthanchonak le thil tthit kan thiamnak hna hi a sau rih lo. Upa biachim cun nizan naite ceo in khan a si. Hi hnu hmailei ah thiltthit kan thiam chin lengmang lai i atu hnu kum 30 hrawng ahcun kan Chin thilthuam hi zeimui dek a va ken te hnga i, phun zeizat dek a va chuah te hnga.

Micheu nih cun «Anmah thil a simi cu duh paoh in tuah khawhnak nawl an ngei ko si.» kan ti men ko lai. A dik. An ngei ko. Sihmanhsehlaw miphun nih kan i ngeihmi thilri a simi hi kan upat awk cu a si lo maw? Thildang sawhsawh bantuk in kan hman a si ahcun zeidah «Chin thilthuam» asinak cu a si ne hnga? «Chin thilthuam» tiah min kan pekmi hi sullam a ngei ne hnga maw? A cung i ka bia bang «Chin thilthuam azawng le ttial» tiah min pek ah aa tlak deuh ne lai hi ta. Police nih thilthuam an ngeih, sianginn a kaimi nih thilthuam an ngeih ve, ralkap zong nih an ngeih i miphun zong nih kan ngeih ve. Cucaah kan phaisa in cawkmi si ko hmanh sehlaw thil dang sawhsawh bantuk in mah dawhnak le tangka hmuhnak ca men ah kan hman awk cu a si hrim hrim lo.